home   ao english   musik   literatur   journalismus   bilder   sprachen   mehr   shop   sitemap
 

On this page you find translations of some Boys stories into languages other than English, French and Italian. So far there are two Arabic texts, in the Egyptian dialect.

هاينز وهيلموت هما "الولدين". في المسلسل الحواري الكوميدي الذي تبلغ مدته 5 دقائق، يجد الاثنان نفسيهما في مواقف غير متوقعة. بقلم أنيس حمادة.

Alle Staffeln
Staffel 1: Die Jungs
Staffel 2: Die Jungs auf Weltreise
Staffel 3: Die Jungs in Moskau
Staffel 4: Die Jungs in der Loge

All Seasons
Season 1: The Boys
Season 2: The Boys' World Tour
Season 3: The Boys in Moscow
Season 4: The Boys in the Lodge

Toutes les saisons
Saison 1: Les Gars
Saison 2: Les Gars en tour du monde
Saison 3: Les Gars à Moscou
Saison 4: Les Gars dans la Loge

Tutte le stagioni
Stagione 1: I Ragazzi
Stagione 2: I Ragazzi in Tour Mondiale
Stagione 3: I Ragazzi a Mosca
Stagione 4: I Ragazzi nella Loggia
al-Waladeen (Arabic)
6: Al-Waladeen fi Bilâd al-cAdu (Arabic)
20: Daiman dhidd Helmut (Arabic)
الولدين ٦: في بلاد العدو
بامبو # 171 - أنيـس 01.10.06

هاينس: ما تسـتـنـّى شويه بس!
هـلموت: يلله تعال لازم نكـمّل الطريق
هاينس: استنى بس أنا مش قادر أسحب البتاع ده
هـلموت: بتاع إيه بس؟
هاينس: البتاع ده
هـلموت: ما تخلـّصنا بقى
هاينس:رجلي! أنا مش قادر أسحب رجلي من السلك الشايك ده
هـلموت: طب خلّيني أساعدك
هاينس: شِيل ال
هـلموت: يلعن... إيه الميّة دي هنا؟
هاينس: وللك شِيل ال ...
هـلموت: لحظة شويه ، أيوه كده
هاينس: الحمد لله يا سيدي... والحقيقة أنا لسه ما فهمتش ليه إحنا لازم نتعب نفسنا كده في الظلمة دي
هـلموت: يلله بنا. ماتتعيـّـطش! خلّينانمشي
هاينس:إنت معاك المنظار الليلي؟
هـلموت: أيوه معاي. تعال
هاينس: على فكرة، إحنا رايحين فين بالضبط؟
هـلموت: إحنا نشوف المغارة إللي هنا
هاينس: أنهو مغارة يا هـلموت؟ أنا مش شايف أي حاجة
هـلموت: معليش. خليك إنت وراي بس. المغارة مش بعيدة
هاينس: وإحنا حنعمل إيه بعدين في المغارة دي؟
هـلموت: أرجوك يا هاينس إسكت! إحنا بقالنا ساعات طويلة بنناقش الموضوع ده
هاينس: أنا عايزك بس تقوللي تاني
هـلموت: إحنا بندوّر عالإرهابيين!
هاينس: وإنت متخيّلهم في المغارة؟
هـلموت: أنا عارف؟ ما عشان كده إحنا رايحين نشوف
هاينس: م م طبعاً. وحيحصل إيه لـمّا يكونو هناك؟
هـلموت: وانت بتعمل ده كله من غير استراحة ليه؟ تفتكر ده يساعدني لـمّا إنت بتتكرر الكلام الفاضي ده على طول؟
هاينس: طول إيه بس؟ دي كانت أربع مرّات عالأكتر
هـلموت: إنت عارف كويس إننا مسؤولين عن الحكاية دي كأصحاب ...
هاينس: الأمريكان ، أيوه عارف
هـلموت: أيوه الأمريكان! ومالهم؟ هو مين إللي بنى ...
هاينس: ... هو مين إللي بنى ألمانيا بعد الحرب ، أيوه عارف
هـلموت: وماله؟ إيه الظلمة دي ...
هاينس: آه رغ ه
هـلموت: إيه إللي حصل؟
هاينس: ...
هـلموت: في إيه بس؟
هاينس: ولا حاجة خلاص
هـلموت: وإيه إللي حصل؟
هاينس: رجلي انقصعت، خلاص
هـلموت: عايز ميّة؟
هاينس: لأ. وشمعنى ميّة؟
هـلموت: أنا عارف؟ أنا بسأل كده، على شان خاطرك. يلله هانت، إحنا قربنا نوصل.
هاينس: وهكذا اقتربت القوات الحليفة الشجاعة من مغارة الأسد. هل سيستطيعون القبض على الإرهابيين؟ هل ...
هـلموت: سْسْه! إسكتْ، إسكتْ. السلاح بتاعك معشّق؟
هاينس: يِسْ سير ، حاضر سير
هـلموت: طب تعالى معاي! بس لمّا تتكلم من فضلك بصوت واطي
هاينس: معصواتلمغا
هـلموت: إيه؟؟
هاينس: أنا قلت: اسمع أصوات المغارة لمـّا نمشي فيها
هـلموت: أيوه يا بيه ، تمام
هاينس: المنظار الليلي معاك؟
هـلموت: أيوه ما أنا قلت لك
هاينس: خير إن شاء ألله؟
هـلموت: خير إيه يا راجل؟
هاينس: الوضع
هـلموت: الحقيقة أنا مش شايف حاجة
هاينس: خلـّـينا نرجع أحسن. هـلموت؟ فينك؟ ما تخوّفنيش. هـلموت!!!
هـلموت: هو إنت اتجنّنت؟؟ بتعمل دوشة كده ليه؟ ما أنا ما كنتش بعيد. يلله نروّ ح
هاينس: طب والإرهابيين؟
هـلموت: يا... تعرفإنت حمار؟ اسـتـنـّى بقى. هو المخرج بتاع المغارة الملعونة دي فين؟ اعتقد من هـنا
هاينس: لا لا ، ما إحنا جينا من هـنا لمـّا جينا
هـلموت: أيوه ما أنا قلت كده بقى
هاينس: لا لا ، قصدي قبل كده. إحنا أخدنا الطريق اليمين من هنا.
هـلموت: يا ربّ. دلوقتي أنا متلخبط خالص
هاينس: معليش ، حنتصرّف حتشوف
هـلموت: ما تخرس بقى
هاينس: وليه بقى؟ أنا لو ما علّتش صوتي بالغصب لكنّا ضيّـعنا الطريق على كل حال
هـلموت: إحنا ما ضيّـعناش الطريق
هاينس: يا خبر! أُمال إيه المصيبة إللي إحنا فيها؟
هـلموت: هـنا! أنا إفتكر هـنا فين إحنا كنّا في الأول
هاينس: زي ما إنت عايز
هـلموت: لأّه ، الطريق دي مسكـّرة
هاينس: البوت بتاعي اتملأ ميّة
هـلموت: ولـله من هـنا ؟
هاينس: يخرب بيت الأمريكان!
هـلموت: ط ط ط ط ط ط ط ط ط
هاينس: إنت اتخبلت خالص؟؟؟ مالك؟؟ بتطلق النار كده
هـلموت: آسف. أنا ما عـملتش ده بالعمد
هاينس: يا راجل باين الفيوز ضرب عندك
هـلموت: ما أنا ما عـملتش ده عمداً!
هاينس: اه كده؟ بس أنا المجنون عشان كنت أنادي
هـلموت: إنت كنت تصرخ
هاينس: طيب بس أنا ما أطلقـتش النار زي المجنون
هـلموت: زمان كان كل ده أسهل بكتير ...
هاينس: قصدك إيه؟
هـلموت: الحرب
هاينس: اه طبعاً ، الحرب
هـلموت: لسه في عندك من اللب الأبيض؟
هاينس: إتفضل
هـلموت: ممكن إنهم يلاقونا هـنا
هاينس: مين بقى؟
هـلموت: الحلفاء
هاينس: أكيد
هـلموت: الموبايل بتاعك معاك؟
هاينس: لأ  ّه
هـلموت: حتكون الساعة إتنين كمان شويه
هاينس: عـندي وقت
هـلموت: خلّينا نحاول نحرج من هنا
هاينس: مـْــه
هـلموت: يلله قوم ما تتحر ّك!

الولدين ٢٠: دايماً ضدّ هـلموت
بامبو # 221 - anis 20.06.02

هاينس: حمدلله ع السلامة ، إيه لأخبار؟
هـلموت: أيه أخبار أيه؟
هاينس: أهلك ، أيه أخبار أهلك؟
هـلموت: ولا يهمّك.
هاينس: بقى لك أسبوع عندهم تقريباً.
هـلموت: آه ، ما تسكت ، بقى!
هاينس: ولك مالك يا راجل؟
هـلموت: ما تخلّيني يا أخي!
هاينس: مشاكل ، صحّ؟
هـلموت: يا راجل إخرص بقى!
هاينس: وليه إنت عدواني للدرجة دي؟
هـلموت: عدواني إيه؟ ومين العدواني هِنا؟ يابن الشحّاذ!
هاينس: ما أنا بَس كنت أسأل ...
هـلموت: أيوَه أيوَه ، إنت بس كنت تِسأل. ما تِخلَص الكلام ده ، إنت عارف جيداً إنّه ... ولك إيه ده أهو؟
هاينس: قَصدك إيه؟
هـلموت: الصورة دي ع الحيطة.
هاينس: أه ، الصورة.
هـلموت: ده بهاءالله ولا مين؟
هاينس: لأّه ، جون لينون.
هـلموت: وصورة جورج بوش إللي كانت ع الحيطة قبل كده؟
هاينس: دي هناك ، ولله.
هـلموت: هناك فين ، طيب؟
هاينس: في ... في المطبخ.
هـلموت: في المطبخ؟ والله ، لازم أشوف.
هاينس: ممه ، الحقيقة بقى ...
هـلموت: طب ، فينها؟ أنا مش شايفها. إنت بِتِضحك عليّ ولا إيه؟
هاينس: لأ أنا ... هي هنا ، ده صحّ. هههِنا.
هـلموت: في الزبالة! إنت حَطيت ...
هاينس: كان وقتها خِلِص ، شايف الزاي؟
هـلموت: كان وقتها خِلِص؟ دي كانت حقّي الشخصي! ليه دايماً ضِدّي أنا؟
هاينس: خلاص ، ما تكونش كده. إنت نفسك كنت عايز تِرميها الزبالة.
هـلموت: دي حاجة مختلفة تماماً. دي صورتي أنا ، بس إنت اعتديت على حقّي ودمّرت شَرَفي.
هاينس: يااا ، إصحى يا أخي ، إنت رجعت بيتك.
هـلموت: قصدك إيه؟ أنا ما ...
هاينس: طب ، ما تروح تجيب أغراضك من العربية وتستريح شويه ، وأنا بعمل قهوة إلنا. كويس؟ أنا اشتريت فراولة للمناسبة.
هـلموت: أنا بَكره الفراولة.
هاينس: إنت بِتِكرَه الفراولة؟ هلموت ، كل الإنسانية بتحبّ الفراولة. إنت أبداً قلت لي ...
هـلموت: طب ، ورأيك إيه إذا إنت تجيب الأغراض من العربية وأنا استريح هنا استنّاك؟
هاينس: ورأيك إيه إذا أنا أسمّيك ماتشو أبو باشا؟
هـلموت: يا! ليه ضدي أنا على طول؟ بالأوّل كل المشاكل دي ، بعدين السفر المتعب ، والتكييف في العربية مش شغّال كمان ، وبعدين كنت سعيد عشان وصلت البيت أخيراً ...
هاينس: صحيح؟ مش باين عليك قوي إنك سعيد.
هـلموت: إنت خرّبت الجو الجميل.
هاينس: وأنا عملت إيه بالضبط؟
هـلموت: ها ، أنا مش حأؤحلّلهولك إذا إنت ما فهمتوش بنفسك.
هاينس: هـلموت؟
هـلموت: عايز إيه؟
هاينس: حصل إيه بقى عند أهلك؟
هـلموت: ولا حاجة يا راجل. حيحصل إيه عندهم؟ ولا حاجة إطلاقاً. كان زي كل مرّة. كُلّه تمام.
هاينس: طيب. إذا إنت مش عايز تِتكلّم ...
هـلموت: يعني إيه: إذا إنا مش عايز اتكلّم؟ ومين قال لك؟
هاينس: إنت يا هلموت فعلاً شخصية معقّدة.
هـلموت: يبقى أنا المجنون ، ولّا إيه؟
هاينس: ولك ، ما تكونش عدواني كده يا راجل!
هـلموت: يبقى أنا العدواني دلوقتي؟ إنت لو بس تسمع كلامك كنتَ عارف إنّ الكلام دايماً ضدّي أنا.
هاينس: هلموت ، إنت مش حرّ.
هـلموت: حلو ، يبقى أنا مش حرّ دلوقتي.
هاينس: يا ... طب ، أنا حاروح أعمل لي قهوة.
هـلموت: أيوه ليك ، شايف أزاي؟ ليك تعمل قهوة!
هاينس: أيوه ، وليك كمان طلعاً ، يا ابن البهلول!
هـلموت: بُس بَس الكلمات إللي إنت بتستخدمها عليّ: ابن البهلول وابن الشحّاذ وإخرص ...
هاينس: ابن الشحّاذ وإخرص دي إنت قلتها.
هـلموت: شايف؟ ضدّي ضدّي على طول! إنت بِتْلِفّ كل حاجة حتى تبقى ضدّي.
هاينس: عارف إيه ، يا هلموت؟
هـلموت: إيه؟
هاينس: كمان شويه وأنا حابقى أكون ضدك بالفعل عشان زهِقت منّك.
هـلموت: شايف ، ده ما قلت لك: طول الوقت إنت كنت ضدي مُسْتَتِراً.
هاينس: مِنين جِبتَ دي؟
هـلموت: جِبْت إيه؟
هاينس: مُسْتَتِراً.
هـلموت: قَريتْها. مش فاكر. ليه ، بِتِحسبني مش متعلّم بس عشان أنا مش متخرّج جامعة؟
هاينس: الله! يا هلموت ، خلّصنا بقى!
هـلموت: يا! دايماً ضدي أنا. يا راجل ، أنا بس كنت عايز أخلّيهم راضين ، بس هم مش ممكن يكونوا راضين أبداً ، أنا ...
هاينس: ولك ، فِيقْ بقى ، إنت رَوَّحت. إنت في بيتك!

up
Datenschutzerklärung und Impressum (data privacy statement and imprint)